Boazodolliid sadjásašveahkkediimmuid mearri lassána 200 diibmui

Boazodolliide buhttenvuloš sadjásašveahkkediimmuid mearri lassána 130 diimmus 200 diibmui jahkái 2024. Boazodoalli sáhttá 1.10.2024 rájes oažžut buhtadusa eanemustá 200 sadjásašveahkkediimmus. Maiddái ovdal ásahusnuppástusa fápmui boahtima geavahuvvon diimmuid sáhttá buhttet 200 diimmu rádjai, jos buot buhtadusa oažžuma eavttut divvet.

Sosiála- ja dearvvašvuođaministeriija lea ovttasbarggus Melain rehkenastán, ahte boazodolliid sadjásašveahkkebuhtadusaide mieđihuvvon ruhtadeapmi reahkkášii 200 diimmu buhtadeapmái 2024. Dát dahká vejolažžan buhttenvuloš diimmuid meari lasiheami ásahusnuppástusain, mii boahtá fápmui 1.10.2024.

Loga Sosiála- ja dearvvašvuođaministeriija dieđáhusa ásahusnuppástusa birra.

Oza buhtadusa ovdal geavahuvvon sadjásašveahkkediimmuide maŋimustá 2.12.2024

Jos leat álgojagi áigge geavahan sadjásašveahki eanet go 130 diimmu, muhto leat ohcan dahje dutnje lea mieđihuvvon buhtadus dušše 130 diimmus, sáhtát dál ohcat buhtadusa 200 diimmu rádjai. Buhtadus- dahje nuppástusohcamuš galgá leat Melas maŋimustá 2.12.2024, vai diimmuid, mat leat báhcán ovdal ásahusa fápmui boahtima buhttetkeahttá, sáhttá máksit. Ásahusa fápmuiboahtima elege 1.10. maŋŋá dollon sadjásašvehkiid buhtadusaid ohcanáigi lea normála. Omd. golggotmánus 2024 dollon sadjásašveahkis buhtadusa galgá ohcat skábmamánu 2024 loahpa rádjai.

Lassedieđuid addá: ovttadathoavda Marja Antola, Eanadoallofitnodatolbmuid ealáhatlágádus Mela, marja.antola(at)mela.fi, tel. 029 435 2275