Heaggadieđuid gieđahallan Melas oadjo- ja ovdoáššiin

Dán diehtosuodjealmmuhusas muitaluvvo, man láhkai du heaggadieđut gieđahallojit Melas čuovvovaš oadjo- ja ovdoáššiid oktavuođas:

• MYEL- oadjoáššit
• MYEL- ealáhatáššit
• MATA- oadjoáššit
• MATA- vahátáššit
• MATA- bearašealáhat
• Mela- buohcanbeaiveruhta
• Joavkoheaggaoadju.

Mii lea ulbmil ja man vuođul du persovdnadieđut gieđahallojit Melas?

Du persovdnadieđut dárbbašuvvojit MYEL- ja MATA-oadjoáššiidat dahje daidda gullevaš Mela dikšun ovdoášši čoavdimis. Mela gieđahallá persovdnadieđuidat lágas mearriduvvon geatnegasvuođa čuovvuma dihte ja daiguin oktiiheivvolaš geavahandárkkuhusaide.

Dieđuid attekeahttá guođđima vejolaš čuovvumušat

Juos Mela ii oaččo bivdojuvvon dieđuid MYEL- ja MATA-oadjoáššis ja áššát dan sivas čovdojuvvo váilevaš dieđuid vuođul, dat sáhttá váikkuhit oadjo- ja ovdodorvosat.

Juos Mela ii oaččo áššis, mii lea gažaldagas, bivdojuvvon dieđuid, dat ii maiddái sáhte

• nannet dutnje eaktodáhtolaš MATA-oaju, man leat vejolaččat ohcan
• čoavdit du vuoigatvuođa buhtadussii iige máksin láhkai boahtti buhtadusaid meari MATA-vahátáššis
• čoavdit du vuoigatvuođa bearašealáhahkii iige máksin láhkai boahtti ealáhaga meari MATA-bearašealáhatáššis
• čoavdit du vuoigatvuođa MYEL-ealáhahkii
• čielggadit du vuoigatvuođa beaiveruhtii dahje beaiveruđa mearrái Mela-buohcanbeaiveruhtaáššis
• čielggadit du vuoigatvuođa joavkoheaggaoadjobuhtadussii dahje buhtadusa meari joavkoheaggaoadjobuhtadusáššis.

Dieđut geavahuvvojit maiddái eará lobálaš geavahandárkkuhusaide

Ovdoášši gieđahallan

Juos leat MYEL- oadjogeatnegas, MYEL-oadjoáššis du addin dieđut geavahuvvojit maiddái MATA-bargobárte- ja ámmátdávdaoaju sihke joavkoheaggaoaju nannema várás, seammá háve, go don MYEL-oadjuduvvot.

MATA-vahátalmmuhusain čoggojuvvon dieđut geavahuvvojit maiddái Mela-buohcanbeaiveruhtaáššát gieđahallamii.

Oadjo- dahje ovdoášši čoavdima várás čoggojuvvon dieđut geavahuvvojit maiddái statistihkain ja dutkamušas.

Mela sáhttá ovttaskas dáhpáhusain geavahit Mela gieđahallan oadjo- dahje ovdoášši gieđahallamis ožžon dieđuid maiddái eará oadjo- dahje ovdoáššis, man Mela gieđahallá, juos dieđut váikkuhit čovdosii, mii dahkko nuppi áššis, ja juos daid galgá lága mielde váldit vuhtii guoskevaš áššis.

Jos diŋgot dahje luđet bargoealáhatgoartta, Mela geavaha ealáhatášši dikšumis addojuvvon dieđuid du ealáhatvuoigatvuođa dárkkisteami várás. Mela sáhttá geavahit bargoealáhatohcamušas du addin oktavuođadieđuid bargoealáhatgoartta sáddema várás dutnje, go dutnje lea mieđihuvvon ealáhat, man vuođul sáhtát oažžut bargoealáhatgoartta.

Áššehasain gulahallan

Mela geavaha du delefonnummára almmuhan dihte dutnje deakstasániin ođđa boastta birra Mela áššedikšunbálvalusas čuovvovaš dáhpáhusain:

• leat váldán oktavuođa Mela elektrovnnalaš áššedikšunbálvalusa bakte ja Mela vástida du bostii
• Mela sádde dutnje áššedikšunbálvalusa bakte boastta, mii laktása du áššái mii lea jođus Melas.

Jos it hálit almmuhusaid deakstasániin, sáhtát eastit almmuhusaid sáddema áššedikšunbálvalusa Iežat dieđut-čuoggás. Sáhtát háliidettiinat maiddái válljet, ahte almmuhus ođđa boasttas sáddejuvvo du šleađgabostii.

Mela fállan bargonákcabálvalusat leat MYEL-oaju oassi. Mela sáhttá geavahit du šleađgaboastačujuhusa, mii lea Mela áššehasregistaris, bargonákcabálvalusain dieđiheapmái, vuoi sáhttit informeret bálvalusain viidát ja rivttes áigge. Bargonákcabálvalusat leat ee. Buresveadjinbeaivvit, Buresveadjima ABC-skuvlemat, veardásašjoavkkut ja webinárat. Jos it hálit dieđáhusaid, sáhtát almmuhit das vástidemiin du oažžun bostii dahje sáddemiin suddjejuvvon šleađgaboastta Mela neahttasiidduid bakte čujuhussii tyhy(at)mela.fi.

Mela vuoigatvuohta skáhppot, luohpadit ja sirdit du heaggadieđuid

Melas lea vuoigatvuohta, mii vuođđuduvvá láhkii, skáhppot ja luohpadit áššát čoavdimis vealtameahttun dieđuid.

Juos dieđuid skáhppon dahje luohpadeapmi ii vuođđuduva láhkii, dus bivdo miehtan, man sáhtát háliidettiin maŋŋá šluhttet dehe geassit eret.

Mela sáhttá du ášši gieđahaladettiin leat oktavuođas earret eará sierra virgeoapmahaččaide sihke ealáhat- ja oadjolágádusaide. Veahkkeruhtaoažžu oadjoáššis Mela sáhttá leat oktavuođas maiddái veahkkeruđa mieđiheaddjái, MATA-áššiin sierra dikšunlágádusaide ja joavkoheaggaoadjoáššiin ovdamearkan Bárteoadjoguovddážii, Stáhtakantuvrii ja Kevai.

Du dieđuid sáhttá dárbbu mielde sirdit EU:a diehtosuodjeásahusa ja stáhtaid gaskasaš sosiáladorvosoahpamušaid vuođul EU- ja ETA-riikkaide, Šveicai sihke EU:a olggobeallái. EU:a kommišuvnna oktiivástidanmearrádusa vuođul heaggadieđuidat lea vejolaš sirdit ETA-guovllus Stuorra Británniai. Dárkilut dieđuid heaggadieđuidat skáhppomis, luohpadeamis ja sirdimis sihke oassebeliin, geat Mela beales gieđahallet heaggadieđuid, oaččut Mela internetsiidduin.

Heaggadieđuid sirdima EU:a ja ETA:a olggobeallái sáhttá bargat nu ahte geavaha kommišuvnna dohkkehan standárdasoahpamušdadjosiid: tietosuoja.fi/komission-hyvaksymat-vakiolausekkeet

Dus lea vuoigatvuohta dárkkistit dieđuid

Dus lea vuoigatvuohta háliidettiinat oažžut diehtit, mat dieđut dus leat vurkejuvvon Mela registariidda. Sáhtát oažžut kopiija iežat heaggadieđuin.

Sáhtát bivdit eahpedárkkes ja boastto heaggadieđuid njulgema. Sáhtát maiddái dievasmahttit váilevaš heaggadieđuidat, juos das lea heaggadieđuid gieđahallama dárkkuhusa dáfus mearkkašupmi. Heaggadieđuid guoski bivdaga dahkan ja vástádusa oažžun leat dábálaččat nuvttá. Juos Mela ii du bivdaga vuođul ollašuhte heaggadieđuidat guoski doaibmabijuid, oaččut almmuhusa áššis maŋimustá mánotbaji siste. Juos du bivdaga ii sáhte ollašuhttit, Mela muitala siva.

Diehtosuodjeásahusa mielde registrerejuvvon vuoigatvuođat, maid it sáhte geavahit

Go oadjo- ja ovdoášši gieđahallan vuođđuduvvá láhkii, it sáhte vuostálastit heaggadieđuidat gieđahallama, itge bivdit heaggadieđuidat, mat dárbbašuvvojit gieđahallamis, eret váldima dahje daid sirdima Mela olggobeale vuogádahkii.

Dus ii maiddái leat vuoigatvuohta dasa, ahte Mela lágas ásahuvvon barggu divššodettiin ráddješii heaggadieđuidat gieđahallama, vaikke šiittášit heaggadieđuidat doallevašvuođa, juos du gáibádus gieđahallama ráddjemis lea čielgasit ákkaheapme.

Váidalančujuhus

Juos leat duhtameahttun Mela čovdosii heaggadieđuidat guoski áššis dahje juos geahčat, ahte Mela ii čuovo EU:a diehtosuodjeásahusa du guoski heaggadieđuid gieđahallamis, dus lea vuoigatvuohta váidalit áššis diehtosuodjeáittardeaddjái.

Heaggadieđuidat seailluheapmi

Dieđut, mat dárbbašuvvojit du ášši gieđahallamis, seailluhuvvojit lágas, ásahusas dahje EU:a diehtosuodjeásahusas meroštallon áiggi.

Seailluhanáiggit leat:

• Du MYEL- ja MATA-oadjoáššiin uhcimustá čuohte jagi. Du MYEL-oaju guoski dieđut seailluhuvvojit MATA-láhkaásaheami seailluhanáiggiid čuovvumiin, daningo MYEL- ja MATA-oadjodieđut ráhkadit oppalašvuođa.
• MATA-vahátáššis ja MATA-bearašealáhatáššis uhcimustá čuohte jagi.
• MYEL-ealáhat (eará go bearašealáhat) ja -veajuiduhttináššis eallimin leahkki áigi sihke vihtta kaleandarjagi dan maŋŋá.
• MYEL-bearašealáhatáššis ealáhaga máksináigi ja vihtta kaleandarjagi dan maŋŋá.
• MYEL:a ja MATA:a oadjomávssuid bearranáššiin bearrama nohkamii ja vihtta kaleandarjagi dan maŋŋá, MATA-láhkaásaheami seailluhanáiggiid čuovvumiin goittotge uhcimustá logi jagi.
• Váidalanáššis vihttalogi jagi, jos ii eará vuođustusaid dihte galgga seailluhit dan guhkit áigge.
• MATA-oadjoáššis, mii guoská oadjomávssu mearrašuvvama vuođustusaid, oadjomávssu bearrama, buhtadusa máksingildosa ja oadjolágádusa máhccevaš vuoigatvuođa, uhcimustá 10 jagi.
• Mela-buohcanbeaiveruhtaáššis 10 jagi.
• Joavkoheaggaoadjoáššis 10 jagi.

Automáhtalaš gieđahallan Mela-buohcanbeaiveruhtaáššiin

Automáhtalaš gieđahallamis ášši lea vejolaš čoavdit nu, ahte mearrádus addojuvvo automáhtalaččat sierra diehtogálduin čoggojuvvon dieđuid vuođul. Mela geavaha automáhtalaš mearrádusbargama, go gieđahallá Mela-buohcanbeaiveruhtaohcamušaid. Melas lea vuoigatvuohta, mii vuođđuduvvá láhkii, bargat automáhtalaš mearrádusaid dáid áššiin.

Automáhtalaš mearrádusat addojuvvojit, go ohcamuša gieđahallan vuođđuduvvá dieđuide, maid riektatvuohta lea dárkkistuvvon ja main beaiveruđa mieđiheami eavttut leat oktageardánat ja dihto málle mieldásaččat. Mela addá automáhtalaš mearrádusa, go buohcanbeaiveruhtaohcamuš lea doaimmahuvvon Kelai, mii lea juo dutkan buohcanbeaiveruhtavuoigatvuođa vuođustusa.

Dáhpáhusain, main beaiveruđa mieđiheapmi ja dan meari rehkenastin eaktudit Mela vihkkedallama, Mela bargi gieđahallá ášši. Dus lea háliidettiin vuoigatvuohta bivdit, ahte du oažžun automáhtalaš mearrádus dárkkistuvvo Melas ja dus lea vuoigatvuohta váidalit addojuvvon mearrádusas.

Registtardoalli

Mela lea du oadjo- ja ovdoáššiin čoaggán dieđuid registtardoalli.

Mela diehtosuodjevástuoolbmo oktavuođadieđut

Sádde suddjejuvvon šleađgaboastta Mela neahttasiidduid bokte. Sáhtát maid riŋget Mela telefonmolsagii 029 435 11.

Loga lasi diehtosuoji birra ja persovdnadieđuid gieđahallama birra Melas

Dát diehtosuodjealmmuhus laktása Mela skoviide:
4523SA