Oktavuođaváldinbivdda ja persovdnadieđuid gieđahallan

Beaiváduvvon 27.10.2020

EU diehtosuodjeásahus gáibida, ahte oaččot dieđu das, mo du persovdnadieđut gieđahallojit. Eanadoalliid ealáhatlágádus Melas, go bivddát ahte Mela-áššeolmmoš válddášii dutnje oktavuođa.

Manin ja mainna ákkain du persovdnadieđut gieđahallojit Melas?

Du persovdnadieđut dárbbašuvvojit du oktavuođaváldinbivdagii vástideami várás. Mela-áššeolmmoš ii sáhte váldit dutnje oktavuođa almmá du persovdnadieđuid.

Go buvttát ovdan oktavuođaváldinbivdaga Melai, du ja Mela gaskii šaddá soahpamuš. Du persovdnadieđut gieđahallojit soahpamuša ollašuhttima dihte. Du bivdaga ovdanbuktima oktavuođas addin dieđut eai geavahuvvo Melas eará ulbmiliidda.

Mela vuoigatvuohta háhkat ja luohpadit persovdnadieđuidat

Mela ii du oktavuođaváldinbivdagii laktásettiin fikka háhkat dutnje guoski dieđuid earáin iige maiddái luohpat dieđuidat earáide almmá du lobi. Jos hálidat, sáhtát maŋŋá geassit eret du addin lobi.

Dus lea vuoigatvuohta dárkkistit dieđuidat

Dus lea vuoigatvuohta oažžut diehtit, mat dieđut du birra leat vurkejuvvon Mela registariidda. Sáhtát oažžut kopiija persovdnadieđuinat.

Sáhtát bivdit eahpedárkilis ja boastto persovdnadieđuid njulgema. Sáhtát maiddái dievasmahttit váilevaš persovdnadieđuidat, jos das lea persovdnadieđuid gieđahallanulbmila dáfus mearkkašupmi.

Persovdnadieđuid gieđahallamii laktáseaddji eará vuoigatvuođat

Sáhtát bivdit, ahte dutnje guoski dieđut sihkkojuvvojit eret Mela registariin. Sáhtát maiddái bivdit Mela ráddjet persovdnadieđuidat gieđahallama, jos dat leat du mielas boastut dahje dat gieđahallojit lága vuostá. Dákkár dilis Mela sáhttá gieđahallat dieđuidat dušše du lobiin dahje diehtosuodjeásahusa erenomážit máinnašan ulbmiliidda.

Persovdnadieđuid guoski bivdagat ja váidinvuoigatvuohta

Persovdnadieđuid guoski bivdaga dahkan ja vástádusa oažžun lea dábálaččat nuvttá. Jos Mela ii ollašuhte du bivdaga vuođul persovdnadieđuidat guoski doaibmabijuid, oaččot almmuhusa áššis maŋimuštá mánotbaji siste. Jos du bivdaga ii sáhte ollašuhttit, Mela muitala siva.

Jos don leat duhtameahttun Mela čovdosii persovdnadieđuidat guoski áššis dahje jos oainnát, ahte Mela ii čuovo EU diehtosuodjeásahusa dutnje guoski persovdnadieđuid gieđahallamis, dus lea vuoigatvuohta váidit áššis diehtosuodjesáttaolbmui.