Oastinbálvalusčatnašupmi ja persovdnadieđuid gieđahallan

Beaiváduvvon 21.1.2025

EU:a diehtosuodjeásahus gáibida, ahte oaččot dieđu das, mo persovdnadieđut gieđahallojit badjeolbmo sadjásašveahkkeášši gieđahallama oktavuođas Eanadoalliid ealáhatlágádusas Maatalousyrittäjien eläkelaitos Melas.

Manin ja man vuođul mu persovdnadieđut gieđahallojit Melas?

Du persovdnadieđut dárbbašuvvojit oastinbálvalusčatnasupmeohcamušat gieđahallamii. Jus Mela ii oaččo daid dieđuid maid lea bivdán, dat ii sáhte gieđahallat du ohcamuša ja addit dutnje oastinbálvalusčatnašumi.

Oastinbálvalusčatnasupmeohcamuša gieđahallamii čohkkejuvvon dieđut geavahuvvojit maiddái statistihkabarggus. Lassin du e-poastačujuhus geavahuvvo árramuttu doarjaga bálvalusaid váikkuhahttivuođa čielggadusa dahkamii ja áigeguovdilis diehtojuohkimii árramuttu doarjaga bálvalusain ja bargoburesveadjimii guoskevaš áššiin.

Oastinbálvalusčatnasupmeohcamuša gieđahallamii čohkkejuvvon dieđut eai geavahuvvo Mela-dorvui gullevaš ovdoáššiid gieđahallamis. Mela gieđahallá du persovdnadieđuid lágas ásahuvvon geatnegasvuođaid čuovvuma dihte.

Mela riekti oažžut ja addit persovdnadieđuidat

Melas ii leat riekti almmatge du miehtama haga skáhppot du guoskevaš dieđuid earáin dahje addit oastinbálvalusčatnasupmeohcamuša dieđuid earáide. Mela luohpada dieđu oastinbálvalusčatnašumi mieđiheamis ja geavaheamis ávžžuhusa čállán Mela bargonákcarávvejeaddjái dahje dorkabuvttadeddjiid oasil Fifurin bargái. Mela sáhttá geavahit du oastinbálvalusčatnašumi dieđuid lágas geatnegahtton bargguid oasil statistihkka- ja dutkanulbmiliidda.

Dus lea riekti dárkkistit dieđuidat

Dus lea riekti jus hálidat oažžut diehtit, makkár dieđut dus leat vurkejuvvon Mela registeriidda. Sáhtát oažžut máŋgosa du persovdnadieđuin. Sáhtát bivdit eahpedárkilis ja boastto persovdnadieđuid njulgema. Sáhtát maid dievasmahttit váilevaš persovdnadieđuid, jus das lea persovdnadieđuid gieđahallanulbmila dáfus mearkkašupmi.

Persovdnadieđuid guoskevaš bivdaga dahkan ja vástádusa oažžun lea dábálaččat nuvttá.

Jus Mela ii ollašuhte du bivdaga vuođul du persovdnadieđuid guoskevaš doaimmaid, oaččut almmuhusa maŋemustá mánu geahčen. Jos du bivdaga ii sáhte ollašuhttit, Mela muitala siva.

Diehtosuodjeásahusa mieldásaš registrerejuvvon olbmo vuoigatvuođat, maid it sáhte geavahit

Mela gieđahallá du ohcamuša Mela ja árramuttu doarjaga bálvalusaid guoskevaš láhkaásaheami vuođul. Danin it sáhte vuostálastit du persovdnadieđuid gieđahallama, itge bivdit gieđahallamis dárbbašlaš persovdnadieđuid eretváldima dahje daid sirdima Mela olggobealát vuogádahkii.

Dus ii maiddái leat riekti dasa, ahte Mela láhkamieldásáš barggu divššodettiin ráddješii du persovdnadieđuid gieđahallama, vaikke šiittášit ahte du persovdnadieđut dollet deaivása, jus du gáibádus gieđahallama ráddjemis lea čielgasit vuođuheapme.

Váidinriekti

Jus leat duhtatmeahttun Mela čovdosii du persovdnadieđuid guoskevaš áššis dahje jus oainnat ahte Mela ii čuovo EU diehtosuodjeásahusa du guoskevaš persovdnadieđuid gieđahallamis, dus lea riekti váidit áššis diehtosuodjeáittardeaddjái.

Persovdnadieđuid seailluheapmi

Oastinbálvalusčatnasupmeohcamuša gieđahallamis dárbbašuvvon dieđut seailluhuvvojit EU diehtosuodjeásahusa mielde nu guhká go lea dárbu dieđuid gieđahallama dárbbuid ollašuhttima dihte. Seailluhanáigi lea eanemustá guhtta jagi.