Doarjja boazodoalli bargonákcii

Árramuttu doarjaga bálvalusaid ulbmilin lea doarjut boazodoalliid bargonávcca, eastadit sin bargonávccahisvuođa ja guhkidit sin bargoeallima. Boazodoalliid, guollebivdiid ja eanadoalliid bargonávcca ja barggus veadjima doarjumiin lea viggamuššan seammás ovddidit ruovttueatnanlaš biebmobuvttadeami ja dasa vuođđuduvvi borramušgálvosihkkarvuođa eavttuid.

Nuvttá veahkki hástaleaddji diliide

Árramuttu doarjaga bálvalusaide gullet Mela bargonákcarávvejeddjiid rávven- ja bagadanbálvalusat, sierra árvvoštallama vuođul addon oastinbálvalusčatnašumit mielladearvvasvuođa áššedovdibálvalusaide, bargonávcca doarjumii laktáseaddji skuvlejupmi, diehtojuohkin ja digitálalaš bálvalusat. Lassin gullá vel boazodollui gullevaš čanusjoavkoorganisašuvnnaid boazodoalliid bargonávcca doarjaleaddji fierpmádatovttasbarggu bajásdoallan ja ovddideapmi.

Bargonákcarávvejeddjiid persovnnalaš áššehasbargu fállá veahki iešguđetlágan bargonávcca noađuheaddji dilálašvuođain. Dakkárat sáhttet leat ovdamearkka dihte iežas dearvvasvuhtii, veadjimii, olmmošgaskavuođaide, eallima rievdadusaide dahje ekonomalaš hástalusaide gullevaš áššit. Bargonákcarávvejeaddjit veahkehit dili čielggadallamis ja heivvolaš čoavddusmolssaeavttuid kártemis. Mađi árat čielggadišgoahtit ášši, dađi eanet lávejit gávdnot maiddái čoavddusmolssaeavttut. Bálvalus lea nuvttá ja áinnas luhtolaš.

Árramuttu doarjaga bálvalusaide gullá maiddái vejolašvuohta oažžut 500 euro oastinbálvalusčatnašupmi mielladearvvasvuođa doarju áššedovdibálvalussii sierra árvvoštallama vuođul. Dat bálvalusat sáhttet leat ee. ovttaskas olbmo-, párra dahje bearašpsykoterapiija dahje psykologabálvalusat. Sáhtát ohcat oastinbálvalusčatnašumi nu ahte válddat oktavuođa Mela bargonákcarávvejeaddjái.

Doarjaga iežas buresveadjima ovddideapmái sáhttá oažžut maiddái Mela ordnen skuvlemiin ja kurssain. Buot boahttevaš skuvlejumit ja dáhpáhusat gávdnojit dáhpáhuskaleandaris (suomagillii): mela.fi/tapahtumat. Dáhpáhuskaleandara bokte sáhtát maid almmuhit iežat dáhpáhusaide.

Beroš boazodoallis – árramuttu doarjaga fierpmádat

Okta oassi árramuttu doarjaga bálvalusain lea doalahit ja ovddidit boazodoalliid árramuttu doarjaga doaibmamálle sihke árramuttu doarjaga doaibmamálle ollašuhtti čanusjoavkofierpmádaga. Árramuttu doarjaga doaibmanmálle ulbmilin lea áicat dakkár áššiid, mat áitet bargonávcca nu árrat go vejolaš, váldit ášši sáhkan ja bagadit das mo oažžu veahki. Árramuttu doarjaga fierpmádahkii čohkkejuvvojit boazodoalliid ovttasbargoguoimmit, mat iežaset barggus deaivvadit boazodolliiguin ja sáhttet dahkat fuomášumiid sin barggus veadjimis ja muitalit makkár vejolašvuođat lea oažžut veahki oažžuma. Veahkki rivttes áiggis eastada bargonákcahástalusaid ovdáneami bargonávccahisvuohtan. Veahki oažžumii guoskevaš bagadeapmi dahkko álo ovttaoaivilvuođas ja boazodoalliid miehtamiin.

Beroš boazodoallis -fierpmádaga doaimma vuođđun leat oktasašbargosoahpamušat. Fierpmádaga lahttut čatnasit soahpamušain ovddidit barggusteaset árramuttu berošteami málle mieldásaš doaimma ja sii ožžot dasa Melas nuvttá skuvlejumi. Ovttasbargosoahpamušaide vuođuštuvvi doaibmavugiin nannejuvvo doarjjafierpmádaga bargu ja stáđásmahttit Mela árramuttu berošteami doaimma fásta oassin boazodoalliid buresveadjinbarggu.

Doarjjan eallima unna ja stuorra hástalusain

Boazodoalloguovllus barget guokte Mela bargonákcarávvejeaddji (suomagillii):
Eija Tammela, tlf. 050 331 8973, eija.tammela(at)mela.fi (Lulli-, Oarje- ja Davvi-Lappi)
Merja Väinämö, tlf. 050 462 1109, merja.vainamo(at)mela.fi (Nuorta-Lappi, Kainuu ja Koillismaa).

Ale báze okto, muhto váldde roahkkadit oktavuođa, riŋges dahje guođe oktavuođaváldinbivdaga.

Buot Mela-dorvui laktáseaddji áššiin du bálvala Mela-áššeolmmoš:
Inga-Briitta Magga, tlf. 029 435 2664, inga-briitta.magga(at)mela.fi