Badjeolbmo oadjudeapmi
Oadjudeami eavttut
Mii oadjudit du eanadoallofitnodatdolliid ealáhatlága MYEL-ealáhatoajuin, go
- oamastat bohccuid
- barggat bohccuiguin iežat dahje bálgosa lohkui
- du jahkásaš bargodienas lea unnimustá 4 506 euro (jagi 2024).
Jos du bargodienas báhcá vuollel bákkolaš oadjudeami ráji, de sáhtát váldit MYEL-oaju eaktodáhtolažžan. Oaččut lasi dieđuid eaktodáhtolaš MYEL-oajus Mela-áššeolbmos dahje áššehasbálvalusas: oktavuođadieđut.
Bákkolaš MYEL-oaju lassin dus lea automáhtalaččat fámus maiddái bargobárte- ja ámmátdávdaoadju dahjege bargoáiggi MATA-oadju. Dat buhtte boazobarggu dihte šaddan bárteváttuid ja barggu dihte šaddan ámmátdávddaid.
áhtát váldit eaktodáhtolaš bargoáiggi MATA-oaju, go du bargomearri báhcá vuollel 4 506 euro dahje it muđui gula bákkolaš MYEL-oadjudeami ollái. Du bargomearri seahtá leat goittotge unnimustá 2 253 euro (jagi 2024).
Badjeolbmo oadjudeapmi
MYEL-oadju lea dutnje bákkolaš, go
- leat 18–68-jahkásaš
- barggat bohccuiguin iežat dahje du bearašlahtu lohkui dahje bálgosii
- du jahkásaš MYEL-bargodienas lea unnimustá 4 506 euro (jagi 2024).
Jos barggat bohccuid lassin maiddái eana- ja meahccedoaluin dahje guolástat, nu ahte MYEL-oadjudeami eavttut divvet, de guđege doibmii seahtá leat sierra oadju. Du bargodienas rehkenastojuvvo buot oajuin oktasažžan.
Siidodoaibmasaš boazodoallu
Go don leat siidodoaibmasaš badjeolmmoš, de mii oadjudit du bákkolaš MYEL-oajuin, jos oadjudeami eavttut divvet. Dáinna ládje don sihkkarasttát, ahte maid badjeolbmo barggus čoggo dorvu.
Guoimmi oadjudeapmi
Go du guoibmi dahje ovttasorru oassálastá bearraša bohccuiguin bargamii bálgosis dahje dan olggobealde, son sáhttá oadjuduvvot, go sus eai leat iežas bohccot.
Jos du guoimmis leat iežas lohkobohccot, de son oadjuduvvo fitnodatdoallin. Su oajus váldojuvvojit vuhtii liikká maiddái bargobeaivvit, mat čoggojit guoimmi bohccuiguin bargamis.
Go guoimmi guovttos bargaba bohccuiguin váldodoaibmasaččat, de guktuide seahtá válljet seamma gokčevaš oadjodorvvu Melas.
Oadju ealáhagas
Jos don barggat ealáhagas ain bohccuiguin, de don sáhtát lasihit ođđa ealáhaga 68-jagi rádjai. Du oadju sáhttá leat bákkolaš dahje eaktodáhtolaš. Dát lea das gitta, man ealáhaga don oaččut ja divvetgo oadjudeami eavttut.
Bearašlahtu oadjudeapmi
Mii oadjudit du bearašlahtuid, geat oassálastet boazobargguid ja geat eai oamas bohccuid. Bearašlahtu oadjudeami eaktun lea, ahte son ássá duinna oktasaš dállodoalus.
Bearašlahtu bargodienas hápmašuvvá máksojuvvon bálkkás ja luondduovdduin. Jos bálká ii máksojuvvo, de bargodienas rehkenastojuvvo bargomeari mielde.
18 jagi deavdán ja dađi boarrásit bearašlahttu sáhttá oažžut MYEL-oaju. Oadju lea bákkolaš, go bargodienas lea badjel 4 506 euro. Vuollel 18-jahkásaččaide sáhttá almmatge váldit eaktodáhtolaš bargoáiggi MATA-oaju bargovahágiid várás.
Bearašlahtuide, geat barget bohccuiguin ja ožžot ealáhaga, berre váldit bargoáiggi MATA-oaju.
Jeara lasi bearašlahtuid oadjudeami birra Mela-áššeolbmos dahje min áššehasbálvalusas. Oktavuođadieđut.
Bargi oadjudeapmi
Bearraša olggobealbargit, geat barget bohccuiguin, eai oadjuduvvo Melas. Sin oadjodorvvus don seađát fuolahit sierra.
Fitnodathámit
Jos boazobarggut dahkkojit oasusfitnodaga dahje eará servoša lohkui, de mii sáhttit oadjudit du, jos oadjudeami eavttut divvet.
Jos barggat bohccuid lassin eará fitnodatdoaluin, mii árvvoštallojuvvo eará fitnodahkan, de das šaddá sierra fitnodat. Dat ii gula MYEL-oaju ollái. Jos dus lea ovdamearkka dihte kommandihttavuođđudus boazoturismma várás, de don oadjuduvvot dušše boazodoalu dáfus MYEL-oajus. Kommandihttavuođđudusa doaibma báhcá MYEL- ja MATA-oaju olggobeallái.
